აღწერა
ამ წიგნში წაიკითხავთ ნამდვილ ამბებს ზოოპარკსა და მის ბინადრებზე. გაიგებთ, როგორ მოხვდა ლეკვი ბროლია ზოოპარკში, როგორ დაუმეგობრდა ლომს და წყალდიდობისას როგორ გადაარჩინა ლომმა მეგობარი ძაღლი; ცირკიდან ზოოპარკში გადმობარგებული მაიმუნი ჩიტა ახალ საცხოვრებელ გარემოს ვერ ეგუება, ჭირვეულობს და ათასგვარ სასაცილო ოინს აწყობს; ენაჭარტალა თუთიყუშმა გალიაში შემოპარულ კატას სულ კუდით ქვა ასროლინა…
წიგნიდან ასევე შეიტყობთ, როგორი თავგანწირულობა გამოიჩინეს ზოოპარკის მომვლელებმა ომიანობის დროს და როგორ იხსნეს ცხოველები შიმშილით სიკვდილისაგან; როგორ იბრძოდნენ ზოოპარკის ბინადარნი წყალდიდობისას თავის გადასარჩენად. წაიკითხავთ ცხოველებისა და მათი მომვლელების საოცარ ურთიერთობაზე… თურმე ზოოპარკის ბინადრები მხოლოდ თავიანთ მომვლელებს კი არა, თითქმის ყველა თანამშრომელს სცნობენ და ზოგიერთს იმის უნარიც აქვს, ისე შეიყვაროს ადამიანი, როგორც ეს შინაურ ცხოველებს შეუძლიათ.
