აღწერა
„ჩვენ და ბუნება – სახალისო პროექტები“ ბუნებისმეტყველებისთვის
შექმნილი ინტერდისციპლინური რესურსია, რომელიც განკუთვნილია 5-6 კლასის მოსწავლეებისთვის. დამხმარე სახელმძღვანელო ეფუძნება „კეთებით სწავლის“ სტრატეგიას – ბავშვები თავად ატარებენ სხვადასხვა ექსპერიმენტს და თეორიული ცოდნის პარალელურად, კვლევის პროცესში მიღებულ რეალურ გამოცდილებაზე დაყრდნობით შეისწავლიან გარემომცველ ბუნებასა და მის კანონზომიერებებს.
სახელმძღვანელოში თავმოყრილია მარტივად განსახორციელებელი სახალისო პროექტები – მიკრომწვანილის მოყვანა, ბუნებრივი საღებავების, „აბაზანის ბომბებისა“ თუ ეკომეგობრული სასუქების დამზადება, ექსპერიმენტები მარილით, სანთლითა და სხვა უსაფრთხო, ყველასთვის ხელმისაწვდომი მასალებით. აქტივობები, გარდა იმისა, რომ მოსწავლეებს უკეთ აცნობს ბუნებას და ბუნებრივ პროცესებს, ხელს უწყობს მათში დაკვირვების, ანალიზის, კრიტიკული და შემოქმედებითი აზროვნების უნარების განვითარებას.
წიგნი შეესაბამება ეროვნულ სასწავლო გეგმას და ეფუძნება ინტეგრირებული სწავლების მიდგომას, რომელიც ბუნებისმეტყველების საგნის შესწავლას მოსწავლისთვის საინტერესო და სახალისო პროცესად აქცევს.
სახელმძღვანელო შედგება 2 ნაწილისგან – პროექტების კრებულისა და მასწავლებლის წიგნისგან. მასწავლებლის წიგნში დაწვრილებითაა გაწერილი თითოეული აქტივობა დავალებათა პასუხები და პროექტებით სწავლებისთვის საჭირო რეკომენდაციები.
