Description
New Wave არის ინგლისური ენის სახელმძღვანელო. იგი შედგება სამი სხვადასხვა დონის წიგნისაგან: Book 1 – A2 Plus, Book 2 – B1 და Book 3 – B1 Plus. თითოეულ წიგნს ახლავს სავარჯიშოების კრებული, ტესტები და ჩანაწერები. სახელმძღვანელოში უხვადაა საინტერესო ტექსტები და პრაქტიკული სახის სავარჯიშოები. New Wave ბრიტანეთის საბჭოს პროექტია. იგი შეიქმნა ქართველი და ინგლისელი ექსპერტების ერთობლივი მუშაობის შედეგად. მასში გათვალისწინებულია ქართული რეალიები, ზომიერად არის გამოყენებული ქართული შესატყვისები. წიგნი სრულადაა მორგებული ინგლისური ენის ქართველი შემსწავლელის ინტერესებსა და თავისებურებებზე; ამ თვალსაზრისით New Wave სრულიად უნიკალური სახელმძღვანელოა.
წიგნის კონცეფციის ავტორი და რედაქტორია რუსუდან ტყემალაძე. მას ეკუთვნის წიგნის სტრუქტურული და შინაარსობრივი ბადის იდეა. სახელმძღვანელოს ავტორებს, ლია გოქსაძეს და თამარ ფაღავას, აქვთ ინგლისური ენის სწავლების და სასწავლო მასალაზე მუშაობის მდიდარი გამოცდილება. პროექტის კონსულტანტია ბარი უოტსონი. განათლებისა და მეცნიერების სამინისტროს მიერ 2007-2011 წლებში New Wave-ს მინიჭებული ქონდა გრიფი და მას წარმატებით იყენებდა ათასობით მასწავლებელი და მოსწავლე.
სხვადასხვა დონის მასალაზე მუშაობა დაეხმარება მათაც, ვისაც ინგლისურ ენაში საერთაშორისო გამოცდებისთვის (KET, PET, FCE) მომზადება სურს.